Prishtinë, 21 janar 2023 – Ish i dërguari i Sekretarit të Kombeve të Bashkuara në Kosovë, diplomati norvegjez Kai Eide, ka kujtuar sot takimet me Presidentin historik të Kosovës, Ibrahim Rugova, në 17 vjetorin e ndarjes nga jeta.
Eide, në një postim në Twitter, shkruan se ai ka shumë kujtime të bukura nga takimet e tij me Presidentin Rugova. Ai e cilëson Rugovën “një njeri aq mbresëlënës dhe frymëzues në mënyrën e tij të qetë e dinjitoze”.
“Kaq shumë kujtime të bukura – nga takimi im i parë me të në vitin 1995 deri në ditën e fundit të trishtuar, duke ecur në atë të ftohtë të hidhur në kortezhin e tij funeral! Një njeri kaq mbresëlënës dhe frymëzues në mënyrën e tij të qetë, dinjitoze. Kosova e meriton vendin e saj të merituar në komunitet…”, shkruan Eide.
So many fond memories – from my first meeting with him in 1995 until the last sad day, walking in that bitter cold in his funeral procession! Such an impressive and inspiring man in his quiet, dignified way. #Kosovo deserves its rightful seat in the intern community now! @Petrit https://t.co/41Bc7B6Rwy
— Kai Eide (@kai_eide) January 21, 2023
(r.m.)