Prishtinë, 19 maj 2023 – Rada Trajkoviq, kryetare e partisë Lëvizja Evropiane e Serbëve, ka reaguar sot pas ceremonisë së betimit të kryetarit të ri të Mitrovicës Veriore, Erden Atiq.
Trajkoviq, në një postim në Twitter, iu drejtua serbëve në veri të Kosovës me thirrjen që të mos lejojnë që të instrumentalizohen nga Beogradi.
Ajo ka thënë se vendosja e flamurit të Kosovës në objektin e komunës së Mitrovicës Veriore është “rezultat i politikës fatale” të Beogradit.
“Të dashur serbë të veriut, mos i lejoni t’ju instrumentalizojnë sërish, për shkak se u është lëkundur pushteti në Beograd. Flamuri i ri në komunat tuaja është vetëm rezultat i politikës fatale të tij. Dhe nëse mbështeteni tek ai për të mbijetuar dhe e ndiqni atë në konflikt, nuk ka të ardhme për ne në Kosovë”, ka shkruar ajo.
Dragi Srbi na severu, ne dozvolite im da vas opet instrumentalizuju zato sto im je moć u Beogradu uzdrmana.
— Rada Trajkovic (@trajkovic_rada) May 19, 2023
Nova zastava na vašim opštinama rezultat je SAMO njegove pogubne politike.
A ako se u njega uzdate za opstanak, i njega sledite u sukob, budućnosti na Kosovu nam nema. https://t.co/2WrDfwj5NL pic.twitter.com/YECTstyDiJ
(r.m.)