Prishtinë, 4 mars 2024 – Presidentja e Kosovës, Vjosa Osmani, e ka përshëndetur inaugurimin e bazës ajrore të NATO-s në Kuçovë të Shqipërisë.
Në një postim në platformën X, ajo ka shklruar se ky është hap i rëndësishëm i forcimit të pranisë së Aleancës së Atlantikut Verior në Ballkanin Perëndimor, gjë që “do të kontribuojë në rritjen e sigurisë” në rajon.
“Hapja e Bazës Taktike Ajrore të NATO-s në Kuçovë, Shqipëri, shënon një hap të rëndësishëm në forcimin e pranisë së Aleancës në Ballkanin Perëndimor, duke kontribuar në rritjen e sigurisë në rajonin tonë dhe më gjerë. Aty ku është NATO, ka paqe dhe stabilitet”, ka shkruar Osmani.
The opening of the NATO Tactical Air Base in Kuçovë, Albania, marks a significant step in strengthening the Alliance's presence in the Western Balkans, contributing to enhanced security in our region and beyond.
— Vjosa Osmani (@VjosaOsmaniPRKS) March 4, 2024
Where there is NATO, there is peace and stability! pic.twitter.com/rirCfKQABS
Baza ajrore e NATO-s në Kuçovë do të shërbejë si qendër për aktivitetet e Forcës Ajrore tëAleancës veri-atlantike. Ajo ofron infrastrukturë të avancuar për avionët luftarakë dhe për avionët transportues të NATO-s.
(r.m.)