Athinë, 18 qaershor 2024 – Emisari i Bashkimit Evropian për dialogun Kosovë-Serbi, Miroslav Lajçak, është takuar të hënën në Athinë me kryeministrin e ri të Serbisë, Millosh Vuçeviq.
Lajçak ka bërë të ditur se gjatë takimit është biseduar për dialogun Kosovë-Serbi.
“Në Athinë u takova me kryeministrin e ri serb Millosh Vuçeviq. Ia dhashë informacionet më të fundit për gjendjen në dialog dhe fola për marrëdhëniet BE-Serbi”, ka shkruar Lajçak në Twitter, por nuk ka dhënë më shumë informacione.
Një ditë më parë, Lajçak ka thënë se “nuk duhet humbur” momentumin e ri për anëtarësimin e vendeve të Ballkanit Perëndimor në Bashkimin Evropian.
Miroslav Lajçak do të jetë i dërguar i BE-së për dialogun Kosovë-Serbi deri në uajin gusht, kur BE pritet ta emërojë një të dërguar tjetër.
(r.m.)