Uashington,28 prill 2021 – Zëdhënësi i Departamentit amerikan të Shtetit Ned Price bëri thirrje për respektimin e rezultatit të zgjedhjeve të 25 prillit në Shqipëri.
Në një koment në Twitter të mërkurën, ai shkruan se respektimi i rezultatit të zgjedhjeve legjitime forcon demokracinë shqiptare.
“SHBA i përgëzon qytetarët e Shqipërisë për zgjedhjet e tyre të fundit. Ne shpresojmë ta vazhdojmë partneritetin tonë të ngushtë me Kryeministrin Rama dhe të përgëzojmë fushatën e fortë të opozitës. Respektimi i rezultateve të zgjedhjeve legjitime forcon demokracinë e Shqipërisë”, ka shkruar Price.
(r.m.)