Bejrut / Jerusalem, 20 tetor 2024 – Luftimet u ndezën në dy fronte të dielën, ndërsa Izraeli vuri në shënjestër atë që tha se ishte “qendra komanduese” e Hezbollahut në kryeqytetin libanez.
Sulmet në bastionin jugor të Hezbollahut, Bejrut, vijnë ndërsa Kryeministri izraelit Benjamin Netanyahu akuzoi grupin e mbështetur nga Irani se tentoi ta vriste, duke iu referuar sulmit një ditë më parë me dron ndaj shtëpisë së tij.
Agjencia Kombëtare e Lajmeve e Libanit, NNA, tha se Izraeli goditi një ndërtesë banimi në Haret Hreik, që ndodhet pranë një xhamie dhe një spitali.
Ushtria izraelite tha se kishte goditur një “qendër komanduese të Hezbollahut që përdorej për mbledhjen e informacionit të zbulimit” si dhe një vendndodhje nëntokësore armatimesh.
Zyrtarët izraelitë thanë gjithashtu se tre militantë të Hezbollahut janë vrarë gjatë sulmeve në pjesë të tjera të Libanit.
Më vonë gjatë ditës rreth 70 predha u lëshuan nga territori libanez në drejtim të Izraelit, disa prej të cilave u interceptuan.
(r.m.)