Zëvendëskryeministri i Malit të Zi, Dritan Abazoviç nga Universiteti Luarasi, ku mori edhe titullin “Doktor Honoris Causa” dha mesazhe të forta për bashkëpunim dhe forcim të mëtejshëm të lidhjeve mes shqiptarëve.
Gjatë fjalës së tij Abazoviç foli për krijimin e urave të bashkëpunimit, për të bërë që kufijtë të jenë të padukshëm mes shteteve në rajon. Ai tha mes të tjerash se ka zgjedhur rrugën e pajtimit.
“I nderuari profesor Ruka, të nderuar të pranishëm. Për mua ishte një moment i veçantë. Do të përpiqem t’ju shpjegoj disa mendime që më kanë rënë mend rrugës deri sa kam ardhur në Tiranë. Habitati i personazhit tim është i veçantë. Kam zgjedhur rrugë të vështirë, rrugën e pajtimit. Shumë politikanë kanë qenë të pozicionuar në rrugën e përçarjes, konfliktit. Unë kam zgjedhur rrugën e pajtimit, se di se sa do të jem i suksesshëm që rrugën e Malit të Zi ta çoj në rrugën e vendeve të tjera Europiane. Në matematike ekziston emëruesi minimal, dhe ndihmon që operacionet të bëhen suksesshëm. Ne duhet të thyejmë barrierat dhe të ngremë kokën. Kur ngrihet koka, hapen horizontet. Atë çka arritur zoti Kuka, është gjëja më e mirë. Kryesore është që me mendje dhe zemër mund të bëhen gjëra të veçanta, që janë të barabarta ose më të shumta. Ne duhet të mendojmë ndryshe. Mendoj se Ballkani ka nevojë për rifreskim, rimbrendim, që duhet të shkojë te e drejta se ne nuk kemi nevojë për të ndryshuar kufij, por për të ndërtuar kufi të padukshëm. Kufijtë janë vendime politike, por duhet t’i thyejmë barriera, Prej ndryshimeve vijnë ide të mira. Ne si persona jemi të ndryshëm dhe ne si shqiptar jemi të ndryshëm. Ndryshe ai në Tiranë, dhe ai në Pejë.
Nuk ka rendësi se na cili vend vjen, por të kesh idenë e mirë. Duhet të krijojmë një pozitivitet. Të gjithë ne sot, duhet të nisim një mesazh se jemi bashkë në promovimin e gjerave të reja, të interesuar që të kemi një jetë paqësore që duhet të fokusohemi te pajtimi. Duhet të krijojmë ura, të cilat mund të jenë një herë e përgjithmonë, për t’i lidhur popujt për t’i dhënë një dinamikë të re rajonit dhe Ballkanit. Një vizion kozmopolit do të marrë fitoren më në fund. Edhe kur gjërat janë të padukshme. Duhet të jemi të gatshëm që të pranojmë mendimin ndryshe. Duhet të kemi një vizon tjetër. Sot me këtë nderim, më keni dhënë dhe një obligim qytetar, që së bashku me njerëzit që kanë ardhur nga Mali i Zi, që të mundohemi së bashku që të bëjmë gjëra të mira. Shpresoj që me ketë atmosferë pozitive që ekziston këtu, jemi shumë afër dhe duhet të vazhdojmë një bashkëpunim të jashtëzakonshëm. Ajo është rruga e suksesit. Duhet të mendojmë ndryshe. Nuk ekziston asnjë barrierë për këtë popull kreativ, punëtor. Por duhet të eliminojmë disa gjëra që i kemi pasur edhe nga sistemet e motshme. Të hapim horizonte të reja dhe të promovojmë gjëra të reja. Ky ishte një nder i veçantë.”, tha ai.BW