Prishtinë, 2 mars 2023 – Prokuroria Themelore në Ferizaj ka njofuar se në disa qytete të Kosovës të enjten ka zhvilluar një aksion bastisjesh e kontrollesh në kuadër të hetimeve lidhur me rastin “Brezovica”.
“Gjatë këtij aksioni, janë kontrolluar dhe bastisur disa autosallone, shtëpi dhe lokale përcjellëse në lokacione të ndryshme”, thuhet në një komunikatë për media nga kjo prokurori.
Aksioni është zhvilluar në Prishtinë, Ferizaji, Vushtrri dhe Lipjan, për shkak të dyshimit të veprave penale “Fajdeja”, “Shmangia nga tatimi” dhe “Detyrimi”.
Aksionet për rastin “Brezovica” kanë nisur qysh në fund të vitit të 2021. Deri më tash janë hetuar mbi 100 persona, përfshirë zyrtarë të Ministrisë se Mjedisit dhe Planifikimit Hapësinor, zyrtarë komunalë dhe pronarë të kompanive private.
Në hetim për këtë rast aktualisht janë edhe 40 persona.
Kompleksi turistik “Brezovica” që gjendet në Komunën e Shtërpcës, dhe konsiderohet një prej qendrave më të mëdha të turizmit dimëror në Kosovë.
Sipas prokurorisë, nga viti 2013 deri në vitin 2022, në këtë qendër janë ndërtuar më shumë se 100 objekte në mënyrë të jashtëligjshme.
Për ndërtimin e tyre, prokuroria ka thënë se janë dhënë më shumë se 2 milionë euro ryshfet.
(r.m.)