Prishtinë, 1 korrik 2022 – Ministria e Shëndetësisë bëri të ditur se nga data 1 korrik Bashkimi Evropian do të pranojë certifikatat e vaksinimit dhe të testimit të lëshura nga institucionet e Kosovës për COVID-19.
“Sekretariati i EU digital Certificate i Komisionit Evropian e ka njoftuar Ministrinë e Shëndetësisë se është konfirmuar pranueshmëria –vendimi mbi ekuivalencën e certifikatës digjitale të vaksinës kundër COVID-19, e lëshuar nga Kosova në EU digital certificate, me qëllim lehtësimin e së drejtës së lëvizjes së lirë brenda shteteve të Bashkimit Evropian”, thuhet në njoftimin e Ministrisë.
Edhe në njoftimin e Zyrës së BE-së, të lëshuar të enjten, thuhet se ky vendim vlen për të gjitha certifikatat e lëshuara “në përputhje me rregulloren e BE-së, të Parlamentit Evropian dhe Këshillit”.
NEWS📣As of today, the 🇪🇺 will start accepting 🇽🇰-issued COVID-19 vaccination, test, and recovery certificates.
— European Union in Kosovo (@EUKosovo) June 30, 2022
This applies to all🇽🇰certificates issued in accordance with the EU Regulation 2021/953 of the European Parliament and of the Council. The #EU funded their development.
Pas publikimit në gazetën zyrtare të Bashkimit Evropian vendimi hyn në fuqi dhe certifikata digjitale e vaksinimit kundër COVID-19 e Kosovës do të jetë e lexueshme në pikat hyrëse dhe kontrolluese brenda shteteve të Bashkimit Evropian.
(REL)