Tiranë, 6 nëntor 2024 – Presidenti i Shqipërisë, Bajram Begaj, e uroi sot Donald Trumpin për fitoren në zgjedhjet Presidenciale të Shteteve të Bashkuara të Amerikës, ende pa përfunduar numrërimi I të gjitha votave.
Në një mesazh të postuar në platformën X, Presidenti Begaj shkroi se Shqipëria e vlerëson miqësinë e gjatë dhe partneritetin strategjik me Shtetet e Bashkuara të Amerikës dhe shtoi se ai pret të forcojë me tej bashkëpunimin e ngushtë me z. Trump.
“Urime për fitoren në zgjedhje, @realDonaldTrump! Shqipëria vlerëson miqësinë tonë të gjatë dhe partneritetin strategjik, dhe unë pres që ta forcojmë më tej këtë bashkëpunim të ngushtë”, – shprehet Presidenti në mesazhin e urimit.
Edhe Kryeministri I Shqipërisë, Edi Rana, e përgëzoi Donald Trumpin për atë që ai e cilësoi si “fitore të Jashtëzakonshme”
“Urime për DonaldTrump në këtë fitore të jashtëzakonshme. Ishte një nder i vërtetë të punoja përkrah Presidentit të 46-të të Shteteve të Bashkuara për të forcuar lidhjen mes dy vendeve tona. Mezi pres privilegjin e madh të punoj me Presidentin e 47-të për të përmirësuar më tej partneritetin tonë për paqe, prosperitet dhe përparim të mëtejshëm”, shkroi Rama.
(r.m.)