Uashington, 6 nëntor 2024 – Ish Presidenti Donald Trump shpalli fitoren e tij në zgjedhjet e së martës, pasi rezultatet e para dëshmuan një epërsi të sigurtë ndaj rivales Kamala Harris.
Trump u tha mbështetësve të tij të mërkurën se ky moment “do ta ndihmojë vendin që të shërohet”.
“Ne kemi një vend që ka nevojë për ndihmë dhe ka shumë nevojë madje. Ne do të rregullojmë kufijtë tanë dhe do të rregullojmë gjithçka për vendin tonë”, tha zoti Trump, citon Radio Evropa e Lirë.
Duke folur në Uest Palm Beach të Floridës, zoti Trump u premtoi amerikanëve se “çdo ditë do të luftoj për ju” dhe se do të sjellë “epokën e artë për Amerikën”.
“Tani është e qartë se kemi arritur gjënë më të pabesueshme politike… shikoni çfarë ndodhi, a është kjo çmenduri?” shtoi ai në fjalimin e tij përgjatë të cilit u shoqërua në skenë nga anëtarët e familjes dhe gruaja e tij, Melania Trump, si dhe kandidati për postin e nënpresidentit, JD Vance, dhe kryetari i Dhomës së Përfaqësuesve, Mike Johnson.
Sipas rezultateve të deritshme, Tramp doli fitues në disa nga shtetet përcaktuese të zgjedhjeve. Ai fitoi në Pensilvani, njërin nga këto shtete që i ka 19 vota elektorale.
Deri tani zoti Trump ka siguruar 267 vota elektorale, ndërsa Nënpresidentja Kamala Harris ka fituar 214 vota të tilla. Duhen 270 vota elektorale për t’u zgjedhur president.
Spas rezultateve të deritanishme, Partia Republikane e mori edhe kontrollin e Senatit. Megjithëse rezultatiet në disa shtete nuk kanë dale ende, republikanët kanë arritur të sigurojnë 51 vende në dhomën prej 100 anëtarësh.
(r.m.)