Kiev, 2 prill 2022 – Fotoreporteri ukrainas, Maks Levin, u gjet i vdekur afër Kievit, pasi kishte qenë i zhdukur për më shumë se dy javë, tha këshilltari presidencial, Andriy Yermak.
“Ai u zhduk në zonën e konfliktit më 13 mars në rajonin e Kievit. Trupi i tij u gjet pranë fshatit Guta Mezhigirska më 1 prill”, tha ai përmes një postimi në Telegram.
Reporterët pa Kufij konfirmuan lajmin përmes një postimi në Twitter, duke thënë se Levin u vra sikurse edhe pesë gazetarë të tjerë që prej se Rusia nisi pushtimin e paprovokuar të Ukrainës.
Il était sans armes et portait une veste Presse. Le photographe 🇺🇦 Max Levin a été tué comme cinq autres journalistes depuis le début de la guerre en #Ukraine. #RSF adresse ses condoléances à sa famille. Cibler les journalistes est un crime de guerre. ▶️https://t.co/WvBWW1DAYe pic.twitter.com/xs60Jrzywv
— RSF (@RSF_inter) April 2, 2022
“Shënjestrimi i gazetarëve është krim lufte”, tha kjo organizatë, duke shtuar se Levin ishte “i paarmatosur dhe kishte të veshur jelekë të gazetarëve”.
Zyra e Prokurorit shtoi se sipas gjetjeve paraprake, Levin “u qëllua dy herë për vdekje me një armë të vogël zjarri, nga oficerët” e ushtrisë ruse.
Levin, 40 vjeç, baba i katër fëmijëve, po punonte me shumë media ukrainase dhe ndërkombëtare, përshirë edhe Reuters, BBC dhe Associated Press.
(REL)