Uashington, 22 tetor 2021 – Zëvendësndihmës sekretari amerikan i Shtetit për Evropën dhe Euroazinë, Gabriel Escobar, ka vizituar sot ambasadën e Kosovës në SHBA.
Escobar, i cili është emisar i Departamentit të Shtetit për Ballkanin Perëndimor, është pritur nga ushtruesi i detyrës së ambasadorit të Kosovës në SHBA, Valdet Sadiku.
Njoftimi për takimin është publikuar në llogarinë e Ambasadës së Kosovës në SHBA në Twitter.
“Ushtruesi i detyrës së ambasadorit, Valdet Sadiku, priti sot Zëvendësndihmësin e Sekretarit të Shtetit, Escobar, në Ambasadën tonë. Faleminderit Escobar për vizitën dhe presim me padurim punën dhe miqësinë tonë të vazhdueshme!”, thuhet në njoftim.
Our Chargé d’Affaires @valdet_s hosted DAS Escobar at our Embassy today. Thank you DAS Escobar for the visit and we look forward to our continued work and friendship! 🇽🇰🇺🇸 pic.twitter.com/X5gAcp7wEn
— Embassy of Kosovo US (@KosovoinUS) October 21, 2021
Escobar e ka zëvendësuar Matthew Palmerin në pozitën e emisarit të Departamentit të Shtetit për Ballkanin Perëndimor.
Departamenti i Shtetit i ka bërë disa zëvendësime në misionet diplomatike amerikane në rajon.
(r.m.)