Bruksel, 24 janar 2022 – Ministri i Punëve të Jashtme të Greqisë, Nikos Dendias, ka zhvilluar një takim me të dërguarin e posaçëm i Bashkimit Evropian për dialogun Kosov – Serbi, Miroslav Lajçak.
Gjatë takimit, Dendias dhe Lajçak kanë diskutuar për procesin e dialogut, ndrsa ministri i jashtëm grek ka rikonfirmuar mbështetjen e vendit t tij për të bërë përparim në drejtim të normalizimit të marrëdhënieve mes dy vendeve.
“Gjatë një takimi në margjinat e Këshillit të Punëve të Jashtme të Bashkimit Evropian diskutova me emisarin Mirosal Lajcak për gjendjen aktuale dhe për rrugën përpara në dialogun Prishtinë-Beograd dhe përsërita mbështetjen e vendosur të Greqisë për përpjekjet e tij për të përë përparim në marrëdhëniet mes dy vendeve”, ka shkruar Dendias në Twitter.
Në anën tjetër diplomati sllovak e ka falënderuar ministrin Dendias dhe shtetin e Greqisë për shprehjen e interesit dhe për mbështetjen e angazhimit të BE-së në rajon.
During a meeting on the margins of #EU #FAC, I discussed with #EUSR @MiroslavLajcak the state of play and the way forward in the Belgrade-Pristina Dialogue and reiterated 🇬🇷’s firm support for his efforts to achieve progress in the relations between the two sides. pic.twitter.com/NwDQDGLf5k
— Nikos Dendias (@NikosDendias) January 24, 2022
Thanks to @NikosDendias and Greece for their leadership, interest in and support for both my work and the EU’s engagement in the region. https://t.co/rmGsQN6H7j
— Miroslav Lajčák (@MiroslavLajcak) January 24, 2022
(r.m.)