Lion, 2 prill 2025 – Sekretariati i Përgjithshëm i Interpolit e ka hedhur poshtë kërkesën e Bosnjës e Hercegovinës për të lëshuar urdhërarrest ndërkombëtar për Presidentin e Republikës Srpska, Milorad Dodik, dhe për kryetarin e Kuvendit të këtij entiteti, Nenad Stevandiq.
Klix.ba. shkruan se kërkesa e Bosnjës e Hercegovinës është refuzuar në bazë të nenit 3 të Statutit të Interpolit, i cili i referohet ndalimit të përndjekjes politike.
Kërkesa për lëshimin e fletarrestit ndëkombëtare për Dodikun dhe Stevandiqin është kundërshtuar nga Serbia dhe nga Hungaria.
Gjykata e Bosnjë-Hercegovinës kishte lëshuar një fletarrest e pastaj edhe një urdhër arresti për Dodikun e Stevandiqin, të vlefshëm për autoritetet brenda vendit. Por, më 27 mars kjo gjykatë i kërkoi Interpolit të lëshojë fletarrest ndërkombëtar për të dy: për Dodikun sepse u largua nga vendi dhe udhëtoi për në Serbi, e pastaj për në Izrael dhe për në Rusi, nërsa për Stevandiqin sepse ka udhëtuar në Serbi.
(r.m.)