Prishtinë, 15 shtator 2023 – Jeton Zulfaj, këshilltar i kryeministrit të Kosovës, Albin Kurti, e ka publikuar në platformëbn X një dokument të cilin e quan “të vjetër gjashtë muaj”, të paraqitur si propozim i Bashkimit Evropian në takimin e Kurtit me Presidentin e Serbisë, Aleksandar Vuçiq, në Bruksel, të enjten.
Zulfaj ka thënë në dokumenti dëshmon se “kushtet e Serbisë u bënë qëndrime të Bashkimit Evropian”.
Sipas tij, ky dokument, i propozuar më herët nga Serbia, u përdor dje nga lehtësuesi [BE] për të mbuluar mungesën e përpjekjeve të Serbisë për planin e sekuencimit.
“Një dokument gjashtëmujor i vjetër u përdor dje nga lehtësuesi për të mbuluar mungesën e përpjekjeve të Serbisë për planin e sekuencimit. Megjithatë, dokumenti është shumë i dobishëm për të kuptuar se si kushtet e Vuçiqit u bën qëndrime të BE-së”, ka shkruar Zulfaj.
Sipas tij, dokumenti shpjegon edhe aneksin e zbatimit jo optimal të paraqitur në Ohër, si dhe “përcaktimin e mëvonshëm të marrëveshjes bazë nga lehtësuesi me drafte të njëanshme, të pabalancuara dhe jo të plota”.
A six month old document was used today by the facilitator to cover for the lack of Serbia's participation on efforts for a sequencing plan. However, the document is very useful in understanding how Vucic's condition became EU' position. pic.twitter.com/ORyH0krvvW
— Jeton Zulfaj (@JetonZulfaj) September 14, 2023
Takimi i Kurtit dhe Vuçiqit në Bruksel nuk dha asnjë rezultat. Përfaqësuesi i Lartë i BE-së për politikë të jashtme, Joseph Borrell, i cili mori pjesë në takim, tha se Vuçiqi e ka pranuar propozimin e BE-së, por Kurti e ka refuzuar atë.
Vetë Kurti deklaroi pas takimit se BE-ja e ka paraqitur si propozim të vetin propozimin e Serbisë dhe për këtë ai e bëri përgjegjës të dërguarin e BE-së për dialogun, Miroslav Lajçak.
(r.m.)