Tiranë, 14 gusht 2021 – Ambasadorja e Shteteve të Bashkuara të Amerikës në Shqipëri, Yuri Kim, e ka vlerësuar si njërin nga mendimtarët më të mëdhenj të Evropës shkrimtarin e madh shqiptar, Ismail Kadare.
Në një postim në Twitter, ambasadorja Kim ka shkruar se libri i Kadaresë “Identiteti evropian i shqiptarëve” është, siç është shprehur, “po aq bindës sot sa ishte kur u botua”.
Ajo ka theksuar gjithashtu se “identiteti evropian i shqiptarëve është më i rëndësishëm se kurrë”.
Ambasadorja amerikane e ka publikuar këtë status pas takimit që ka zhvilluar me kolosin e letrave shqipe. Në takim, siç ka thënë ajo, është biseduar edhe për identitetin e shqiptarëve.
“’Identiteti evropian i shqiptarëve’ i Kadaresë është po aq bindës sot sa ishte kur u botua më 2006. Ndërsa shikojmë drejt së ardhmes, identiteti evropian i shqiptarëve është më i rëndësishëm se kurrë. Kënaqësi të diskutosh për këtë personalisht me njërin nga mendimtarët më të mëdhenj të Evropës”, ka shkruar ambasadorja Kim.
Kadare’s “Identiteti evropian i shqiptarëve” is as compelling today as it was when he published it in 2006. As we look to the future, the European identity of the Albanians is more relevant than ever. Pleasure to have this discussion in person w/one of Europe’s greatest thinkers. pic.twitter.com/STtZZ0CBbY
— U.S. Ambassador to Albania (@USAmbAlbania) August 14, 2021
(r.m.)