Prishtinë, 11 maj 2021 – Gjermania ka përsëritur qëndrimin se dialogu Kosovë – Serbi është kyç për procesin e integrimit të Ballkanit Perëndimor në Bashkimin Evropian.
Këtë qëndrim e ka shprehur ministri i Jashtëm gjerman, Heiko Maas, në një bisedë telefonike që ka pasur të martën me kryeministrin e Kosovës, Albin Kurti.
“Për Gjermaninë është prioritet që për shtetet e Ballkanit Perëndimor të sigurohet perspektivë brenda Bashkimit Evropian. Dialogu për normalizimin e marrëdhënieve me Serbinë, i ndërmjetësuar nga Bashkimi Evropian është kyç për këtë epilog”, citohet Maas nga Ministria eJashtme e Gjermanisë.
“Perspektiva evropiane e Ballkanit Perëndimor është një çështje thelbësore për politikën e jashtme të Gjermanisë dhe dialogu me Serbinë është kyç”
Kryeministri Kurti e ka quajtur produktive bisedën me shefin e diplomacisë gjermane, por nuk ka thënë asgjë për dialogun. Ai ka thënë se me ministrin Maas kanë folur për lidhjet e fuqishme bilaterale.
“Një bisedë produktive me ministrin e jashtëm të Gjermanisë, Heiko Maas, me theks në perspektivën evropiane të Kosovës dhe lidhjet tona të forta. Gjermania është anëtare kyçe e BE-së dhe ne ndajmë të njëjtin vizion për një Ballkan Perëndimor demokratik, të përkushtuar për pranim të plotë në BE dhe në NATO”, ka shkruar Kurti në Twitter.
Productive phone call with 🇩🇪 Foreign Minister @HeikoMaas highlighting Kosova‘s 🇪🇺perspective and our strong bilateral relations.
— Albin Kurti (@albinkurti) May 11, 2021
Germany is a critical member of #EU and we share the same vision for a democratic WB6, committed to full membership of the EU and NATO. pic.twitter.com/PnnhRbukBw
Ministri i Punëve të Jasthmetë Gjermanisë, Haiko Maas, gjatë vizitës në Kosovë, kishte deklaruar se dialogu me Serbinë është rruga e Kosovës drejt Evropës.
(r.m.)