Bruksel, 23 nëntor 2022 – Në selinë e Bashkimit Evropian, në Bruksel, ka nisur takimi i kryenegociatorëve të Kosovës dhe Serbisw, Besnik Bislimi dhe Petar Petkoviq, me të dërguarin special të Bashkimit Evropian për dialogun Kosovë-Serbi, Miroslav Lajçak.
Këtë e bëri të ditur vetë Lajçak.
Në një njoftim në Twitter, Lajçak ka thënë se pret që në këtë takim të arrihet një zgjidhe përfundimtare për targat e automjeteve gjë që do të ndikonte në uljen e tensioneve në pjesën veriore të Kosovës dh mes dy shteteve.
“Sot po pres kryenegociatorët e Kosovës dhe Serbisë si vazhdim i takimit tonë të nivelit të lartë. Shpresa ime e sinqertë është se ne do të arrijmë të gjejmë një zgjidhje sot për të de-përshkallëzuar tensionet në terren dhe për të punuar drejt normalizimit të marrëdhënieve”, ka shkruar Lajçak.
“Bisedimet po vazhdojnë”, ka shtuar ai.
Today, I’m hosting the Chief Negotiators of Kosovo and Serbia as a follow-up to our High-level meeting.
— Miroslav Lajčák (@MiroslavLajcak) November 23, 2022
My sincere hope is that we will manage to find a solution today to de-escalate the tensions on the ground and work towards normalisation of relations.
Talks are ongoing. pic.twitter.com/BnfCiTokaD
Zbatimi i fazës së dytë të vendimit të Qeverisë së Kosovës për riregjistrimin e automjeteve me targa ilegale të lëshuara nga Serbia është shtyrë për 48 orë, me kërkesë të Shteteve të Bashkuara të Amerikës.
Në kërkesën e ambasadorit të SHBA-së në Kosovë, Jeffrey Hovenier, thuhej se gjatë kësaj kohe palët do të bëjnë përpjekje për arritjen e një marrëveshjeje për targat.
Kryeministri i Kosovës, Albin Kurti, tha të martën se ambasadori Hovenier është shumë i përkushtuar për gjetjen e një zgjidhjeje për çështjen e targave.
(r.m.)