Nga Beqir Sina
NEW YORK, NY
Mbrëmë, anëtarë të Këshillit të Bashkisë të qytetit të Nju Jorkut (New York City), organizuan një ceremoni për 110 vjetorin e Pavarërsisë së Shqipërisë për të nderuar kulturën shqiptare dhe të gjitha kontributet e shumta që shqiptarët kanë dhënë në Nju Jork.
Anëtarja e Këshillit Bashkiak të Nju Jorkut, Marjorie Velazquez, dhe këshilltarët Osvald Feliz e Av. David Carr ishin organizatorët e ceremonisë me rastin e festës së flamurit, 28 Nëntorit.
Ndërsa, u nderuan me këtë rast në bashki me nga një Proklamatë tre pesonalitete të shquara shqiptare të qytetit të Nju Jorkut: Imam Edin Gjoni, Dr. Bari F. Ceka dhe Harry Bajraktari.
Në këtë ceremoni ishin të ftuar klerikë, aktivistë dhe drejtues të shoqatave nga vendorigjina (Ulqini, Ana e Malit dhe Kraja), si edhe disa personalitete shqiptare nga Mali i Zi, përfshirë Ministrin për të Drejtat e Njeriut dhe të Pakicave, Fatmir Gjeka, dhe kryetarin e komunës së Ulqinit, Omer Bajraktari.
Bekimin e ceremonisë e bëri Imam Tahir Kukaj – nga qendra islamike shqiptaro amerikane në Staten Island- NY
Kurse, Grupi i valltarëve «Barbana» nga Staten Island interpretoi për kënaqësinë e pjesëmarrësve.
