Uashington, 2 prill 2025 – Presidenti Donald Trump i ka thënë rrethit të tij të ngushtë, përfshirë anëtarët e kabinetit të tij, se në javët e ardhshme Elon Musk do të tërhiqet nga roli i tij aktual, si partner qeverisës, nxitës i tifozëve të kudondodhur dhe njeri i Uashingtonit, shkruan revista Politico.
Sipas tre personave të afërt me Trumpin, të cilët kanë folur në kushte anonimiteti, Presidenti Trump është kënaqur me Muskun dhe me punën e tij të Departamentit të Efikasitetit të Qeverisë (DOGE), por ditët e fundit kanë vendosur të dy bashkë që Musk t’u kthehet bizneseve të tij dhe të marrë një rol mbështetës në kabinetin e Trumpit.
Tërheqja e afërt e Muskut vjen pasi disa zyrtarë të administratës Trump dhe shumë aleatë të jashtëm janë frustruar me paparashikueshmërinë e tij dhe pozitën e miliarderit e shohin gjithnjë e më shumë si një përgjegjësi politike. Kjo është një dinamikë që u prit me lehtësi të madhe të martën, kur një gjykatës konservator që kishte mbështetje të fort të Muskut e humbi nominimin për një vend në Gjykatën e Lartë të Wisconsin me 10 pikë diferencë.
Kjio paraqet gjithashtu një ndryshim të madh në marrëdhëniet Trump-Musk të para një muaji, kur zyrtarët e Shtëpisë së Bardhë dhe aleatët e Trumpit parashikuan që Musk të ishte “këtu për të qëndruar” dhe që Trump do të gjente një mënyrë për të kaluar afatin 130 ditor.
Një zyrtar i lartë i administratës tha se Musk do ta mbajë rolin e këshilltarit joformal dhe kohë pas kohe do të vazhdojë të jetë i pranishëm në rrethin e Shtëpisë së Bardhë. Një tjetër paralajmëroi se “e mashtron veten” kushdo që mendon se Musk do të zhduket tërësisht nga orbita e Trumpit.
Sipas burimeve brenda Shtëpisë së Bardhë, tranzicioni ka të ngjarë të korrespondojë me përfundimin e periudhës që Musk konsiderohej si “punonjës i posaçëm qeveritar”, një status i veçantë që e përjashton atë përkohësisht nga disa rregulla të etikës dhe nga konflikti i interesit. Kjo periudhë 130 ditore pritet të përfundojë në fund të majit ose në fillim të qershorit.
Mbrojtësit e Muskut brenda administratës besojnë se tani është koha e duhur për tranzicion, duke pasur parasysh përshtypjen e tyre se Musk ka bër të bërë shumë më tepër që të shkurtojë shpenzimet e agjencive qeveritare pa cenuar veprimtarinë e tyre.
Por, shumë të tjerë thonë se Musk është një fuqi e pamenaxhueshme që ka pasur probleme në komunikimi me sekretarët e kabinetit dhe me zinxhirin komandues të Shtëpisë së Bardhë, të udhëhequr nga shefja e shtabit Susie Wiles, duke iu vërsulur shpesh me komente të papritura dhe pa mesazhe në platformën e tij, X, dhe ka ndarë në rrjete sociale informacione të paverifikuara dhe të pakontrolluara.
Kërcënimi politik që paraqet Musku u theksua edhe të martën, pasi demokratët e shfrytëzuan investimin prej rreth 20 milionë dollarësh të e Muskut në garën e Wisconsit, të cilën disa e cilësuan hapur si referendum për manjatin polarizues.
Por, Trump kishte filluar të hapte rrugë për largimin e Muskut më shumë se një javë më parë. Në takimin e kabinetit të tij, më 24 mars, ai u kishte thënë të pranishmëve se Musk do të largohej nga administrata, Sipas një burimi brenda administratës, i cili nuk ka marrë pjesë në takim, por është informuar, një zyrtar i lartë i administratës ka konfirmuar se në ata takim Trump ka folur për tranzicionin e Muskut, shkruan ndër të tjera Politico.
(r.m.)