Prishtinë, 10 dhjetor 2022 – Qytetarët serbë në veri kanë filluar të mblidhen në Rudar, në afërsi të Zveçanit.
Sipas informatave të REL-it nga terreni, rrugët janë bllokuar në Rudar, komuna e Zveçanit, si dhe në Leposaviq.
Po ashtu, në Mitrovicën e veriut dhe në Rudar janë dëgjuar sirenat.
Në Rudar janë parë edhe automjetet e ndihmës së parë.
Sipas informatave nga vendi i ngjarjes, aty janë parë burra të maskuar dhe gra.
Arsyeja e mbledhjes ende nuk është bërë e ditur, por raportohet se kjo vjen pas arrestimit të Dejan Pantiq, ish pjesëtar i Policisë së Kosovës.
Në këtë vend, Rudar, më herët janë ngritur barrikada nga serbët lokalë.
Shefi i të ashtuquajturës Zyrë për Kosovën në Beograd, Petar Petkoviq, ka deklaruar se në Jarinjë sot është arrestuar Dejan Pantiq, ish pjesëtar i Policisë së Kosovës.
(REL)