Një tjetër sukses shqiptar në Australi
Ruben Avxhiu
Këshilltari me origjinë shqiptare, Shane Sali, në Greater Shepparton të Australisë u zgjodh nga Këshilli Bashkiak për të kryer detyrën e Kryebashkiakut.
Vendi i kryetarit të Bashkisë kishte mbetur bosh pas Kim O’Keeffe dha dorëheqjen nga posti, të hënën në 6 qershor.
Këshilli u mblodh me këtë rast për të zgjedhur një zëvendësues dhe Shane Sali, që shërben si anëtar i Këshillit Bashkiak që nga viti 2020, u zgjodh për të drejtuar bashkinë.
Shane Sali do të shërbejë si Kryetar i Bashkisë deri në zgjedhjet e ardhshme bashkiake.
Për më shumë se 10 vjet ai është anëtar i Komitetit Shqiptar të Sheppartonit ku ka kontribuar veç të tjerash në organizimin e Festivalit të Përvitshëm Shqiptar të të Korrave, në Shepparton.
Ai është baba i tre fëmijëve, i martuar me një shqiptaro-australiane me emrin Lirie.
Shane Sali është Kryetari më i ri i Bashksië në historinë e Greater Sheppartonit.