Doha, 26 mars 2022 – Presidenti i Ukrainës bëri një paraqitje të befasishme me video të shtunën (26 mars) në Forumin e Katarit në Doha, duke i bërë thirrje vendit të pasur me energji dhe të tjerëve që të rrisin prodhimin e tyre për të kompensuar humbjen e furnizimeve ruse të energjisë.
Volodymyr Zelenskyy u bëri thirrje Kombeve të Bashkuara dhe fuqive botërore që t’i vijnë në ndihmë, siç ka bërë në një sërë fjalimesh të tjera në mbarë botën që nga fillimi i luftës më 24 shkurt.
“Ata po shkatërrojnë portet tona,” tha Zelenskyy.
“Mungesa e eksporteve nga Ukraina do t’u japë një goditje vendeve në mbarë botën”, tha ai.
Humbja e grurit ukrainas tashmë ka shqetësuar vendet e Lindjes së Mesme si Egjipti, i cili mbështetet në ato eksporte.
Zelensky u bëri thirrje vendeve të rrisin eksportet e tyre të energjisë – diçka veçanërisht e rëndësishme pasi Katari është një lider botëror në eksportin e gazit natyror.
Ai e kritikoi Rusinë për atë që ai e përshkroi si kërcënim të botës me armët e saj bërthamore, duke rritur mundësinë e përdorimit të armëve bërthamore taktike në fushën e betejës.
“Rusia po mendon të mburret se mund të shkatërrojë me armë bërthamore, jo vetëm një vend të caktuar, por gjithë planetin”, tha Zelensky.
Ai gjithashtu vuri në dukje se muslimanët në Ukrainë do të duhet të luftojnë gjatë muajit të ardhshëm të agjërimit, Ramazanit.
“Ne duhet të sigurohemi që ky muaj i shenjtë i Ramazanit të mos errësohet nga mjerimi i njerëzve në Ukrainë,” tha ai.
(REL)